Yaponiyanın ixracı 50%-ə yaxın artıb

İqtisadiyyat və biznes 21 iyun 2021, 20:04
Yaponiyanın Maliyyə Nazirliyi 2021-ci ilin may ayı üzrə ticarət statistikasını açıqlayıb.
Marja xəbər verir ki, ixrac ötən ilin müvafiq dövrü ilə müqayisədə 49,6% artaraq, 6,26 trilyon yen (57 milyard dollar), idxal isə 27,9% artaraq, 6,44 trilyon yen (58,6 milyard dollar) təşkil edib. Müsbət saldo 187,1 milyard yen (1,69 milyard dollar) həcmində olub ki, bu da ötən ilin analoji dövründən 78,2% azdır.
Ticarətdə ən iri tərəfdaşlar Çin (ixrac - 1,39 trilyon yen, idxal - 1,58 trilyon yen), ABŞ (ixrac - 1,10 trilyon yen, idxal - 743,6 milyard yen) və Qərbi Avropadır (ixrac - 717,7 milyard yen, idxal - 913,5 milyard yen).
Bugün Asiyanın ən iri iqtisadiyyatı Çinin də bir sıra iqtisadi göstəriciləri, o cümlədən may ayı üzrə sənaye istehsalının həcmi və  pərakəndə satışlara dair məlumatları təqdim edəcəyi gözlənilir.
Hazırda Asiya birjalarında vəziyyət belədir:
Yaponiyanın Nikkei 225 indeksi: -0,27%, Topix indeksi: +0,17%
Çinin Şanxay kompozit indeksi: -0,36%, Şenzen komponent indeksi: -0,37%, Honkonqun Hang Seng indeksi:  - 0,27%
Cənubi Koreyanın Kospi indeksi: +0,5%, Avstraliyanın S&P/ASX 200 indeksi: +0,3%
Yapon yeni ötən həftəki 1 dollar = 109,8 yen göstəricisindən aşağı düşərək, 1 dollar = 110 yendə qərarlaşıb. 1 Avstraliya dolları = 0,772 dollar olan Avstraliyanın milli valyutası da qismən zəifləyərək, yeni iş gününə 1 Avstraliya dolları = 0,768 göstəricisi ilə başlayıb.
Hazırda Asiya birjalarında Brent markalı neftin qiyməti bir barrelə 74,47 dollar (+0,65%) təşkil edir, Qərbi Texas (WTI) nefti 72,59 dollara (+0,65%)  təklif olunur.
 

DİGƏR XƏBƏRLƏR

Loading
Top