VTB Bankın Rusiya mühasibat standartlarına uyğun olaraq may ayında xalis mənfəəti 25,4 milyard rubl (600 milyon manat - red) təşkil edib ki, bu da bir əvvəlki ilin eyni ayına nisbətən 28,2 dəfə çoxdur.
Karvannews xəbər verir ki, bu barədə VTB-nin baş mühasibi Mixail Kovalenko jurnalistlərə telefon danışığı zamanı bildirib.
"May ayında xalis mənfəətimiz 25,4 milyard rubl təşkil edib. Yanvar ayından bəri cəmi xalis mənfəət (5 ayda) 112 milyard rubla ( 2 milyard 640 milyon manat - red) çatıb. Xalis mənfəət keçən ilin yanvar-may ayları ilə müqayisədə 2,2 dəfə artıb. Tamamilə may ayını götürsək, əvvəlki ilin eyni ayına nisbətən 28,2 dəfə artıb”,- Mixail Kovalenko deyib.
1 iyun tarixinə bankın aktivləri 17,9 trilyon rubla (422 milyard manat - red) çatıb; ilin əvvəlindən bu yana artım 9,3% təşkil edir.
Hesabat tarixinə kredit portfeli, ilin əvvəlindən bu yana 6,1% artaraq 12,6 trilyon rubla çatıb. İlin əvvəlindən bəri hüquqi şəxslərə verilən kredit portfeli 3,7%, fiziki şəxslərə verilən kredit portfeli 12,5% artmışdır.
“Fərdi şəxslərə borc vermək baxımından bazar liderləri arasındayıq. Mübahisəsiz lider ipotekadır, fərdlərə verilən ipoteka kreditlərində əhəmiyyətli artım var”, - Kovalenko deyib.
Müştərilərin depozitləri 1 İyun tarixinə 15,4 trilyon rubl təşkil edib və bu ilin əvvəlindən bu yana 14,2% artıb. Bu məbləğin 66% -i hüquqi şəxslərin vəsaitləridir.
