Gələn il kənd təsərrüfatı sektorunda 37 tədbiri əhatə edən 5 proqramın həyata keçirilməsi üçün ümumilikdə 986,0 milyon manat proqnozlaşdırılıb.
Karvannews.com-un xəbərinə görə, bu, Maliyyə Nazirliyinin 2022-ci il dövlət büdcəsi ilə bağlı proqnozunda əksini tapıb.
Qeyd edilib ki, bu, 2021-ci ilin təsdiq edilmiş büdcəsi ilə müqayisədə 43,0 milyon manat və ya 4,4 faiz çoxdur. Növbəti ildə proqnozlaşdırılan vəsaitin 6,6 milyon manatı yeni siyasət təşəbbüslərinin maliyyələşdirilməsi üçün nəzərdə tutulub.
