Ümumdünya Polad Assosiasiyasına (World Steel Association – WSA) məlumat təqdim edən dünyanın 64 ölkəsində 2021-ci ilin sentyabr ayında polad istehsalı 2020-ci ilin eyni dövrünə nisbətən 8,9% azalaraq 144,4 mln. tona düşüb.
Karvannews.com-un məlumatına görə, bu barədə Assosiasiyanın açıqlamasında deyilir.
Məlumata görə, cari ilin yanvar-sentyabr aylarında qlobal polad istehsalı illik ifadədə 7,8% artaraq 1,461 mlrd. tona çatıb.
Xatırladaq ki, 2020-ci ildə dünyada polad istehsalı əvvəlki illə müqayisədə 0,9% azalaraq təxminən 1,829 mlrd. ton təşkil edib.
Qeyd edək ki, bu ilin yanvar-sentyabr aylarında Azərbaycanda polad istehsalı illik ifadədə 18,5% artaraq 220,6 min ton olub.
