Facebook şirkətinin Baş direktoru Mark Zuckerberg, şirkətin adının "Meta" olaraq dəyişdiriləcəyini açıqladı.
Marja xəbər verir ki, Facebook-un şirkət adını dəyişdirməsi ilə, Facebook sosial media tətbiqi platforması da şirkətin İnstagram, WhatsApp, Oculus və digər tətbiqləri kimi bir mövqedə olacaqdır.
Ad dəyişikliyi xəbəri, ABŞ hökumətinin şirkətin fəaliyyətləri mövzusunda gedərək daha çox yoxlama apardığı bir dövrə təsadüf edir. ABŞ Konqresindəki iki partiyanın senatorları da Facebooku şiddətlə tənqid edirdi.Silikon Vadisindəki texnologiya şirkətlərinin fəaliyyət sahələrini böyüdərkən ana şirkət adlarını dəyişdirmələri daha əvvəl də baş vermişdir. İnternetdə axtarış və reklam xidmətlərindən başqa xidmətlər göstərmək istəyən Google, 2015-ci ildə "Alphabet" adlı ana holdinqini quraraq şirkətlərini onun tərkibində yığmışdır. Facebook da Google-a bənzər qərar qəbul edib.
Facebookun marka adını dəyişdirməsi şirkətin "metaverse" adlı virtual kainatı qurmaq planının da tərkib hissəsi olaraq qiymətləndirilir.
Metaverse nədir?
İyul ayından Facebook-un Baş direktoru Mark Zuckerberg, insanların yalnız şirkətin platformalarında heab açacaqları deyil, eyni zamanda bu rəqəmsal dünyada yaşayacaqları, işləyəcəkləri və oyun oynayacaqları "metaverse"-i Facebook-un və bütün olaraq internetin gələcəyi üçün bir vizion olaraq aqressiv bir şəkildə vurğulamağa başlamışdı.
"Facebook Connect 2021" tədbirində çıxış etmiş Facebookun qurucusu və Baş direktoru Mark Zuckerberg, metaverse platformasının adının Horizon olduğunu bildirib.
Fiziki dünya ilə rəqəmsal dünyanı, virtual həqiqət (VR) və artırılmış həqiqət (AR) texnologiyaları ilə bir yerdə yaşatmağa fokuslanan Horizon, Horizon Home, Horizon Worlds, Horizon Workrooms kimi platformalardan ibarət olacaq. Horizon platformasında oyun, idman, konsert, tədbir və ofis kimi sosial həyatın az qala hər sahəsinə dair virtual kainatlar (metaverse) yer alacaq.
SƏHMLƏRİ BAHALAŞDI
Facebook-un yeni ana marka adının açıqlandığı və metaverse platforması Horizonun təqdim edildiyi tədbirin dərhal ardından, şirkətin ABŞ birjalarında ticarət olunan səhmləri bahalaşıb. "Facebook Connect 2021" tədbirinin əvvəlində 314 dollar səviyyəsində olan Facebook səhmləri, tədbirdən sonra 4% artımla 324 dolları aşıb.
